What do you want to achieve in life? What is your goal?
તું જીવન માં શું બનવા માંગે છે?
આ સવાલ નો આજે જવાબ મળ્યો…
નિર્ણય કર્યો.
નિર્ણય કર્યો, કે નિર્ણય નહિ કરવાનો નિર્ણય કર્યો.
જિંદગી ના આવનારા મોજાઓ ને મજા થી માણવા નો નિર્ણય કર્યો (૧)
જેમ પવન સમુદ્ર મંથન વિના મોજાને ઉલેચે,
એમજ બેફામ મનમંથન વગર ઉછળવાનો નિર્ણય કર્યો (૨)
કિનારે જવાની હશે ઉતાવળ મોજા ને,
આપણે દરિયા ના ખોળા માં મોજે મોજે રમખાણ મચાવવાંનો નિર્ણય કર્યો (૩)
ભવસાગર માં નવકા, વાળું થોડું જૂનું થયું,
એને સારથિ માની, મેં મારા મનોરથ ને સપાટી પર પુરપાટ દોડાવવા નો નિર્ણય કર્યો (૪)
છાંટા કદાચ ઉડે. કાદવના નહિ, ખારા પાણી ના,
નિશ્ચિંત રહો, એ હશે લાગણી ના, મેં તત્વમસિ કેહવા નો નિર્ણય કર્યો (૫)
દરિયા નું ટીપું, કે ટીપાંઓ નો દરિયો,
એવા સમંદર માં સમ થઈ, “ભાWin” માંથી બ્રહ્મલીન થવાનો મેં નિર્ણય કર્યો (૬)
નિર્ણય કર્યો, કે નિર્ણય નહિ કરવાનો નિર્ણય કર્યો.
જિંદગી ના આવનારા મોજાઓ ને મજા થી માણવા નો નિર્ણય કર્યો (૧)
This poetry was written by Bhavin Shukla on 05th Dec 2022.
Bhavin Shukla 